Item LUIS BORINES 068 e LUIS BORINES 068-2 - Tarxeta postal Vigo. Redondela- vista xeral

LUIS BORINES 068 e LUIS BORINES 068-2

Tarxeta postal (9x14cm) circulada o 4 de agosto de 1912. Fototipia en branco e negro edición propia da libraría Julián Buceta de Vigo c.a. 1910.
Fotógrafo/a descoñecido/a.

No anverso aparece unha vista do centro de Redondela sacada dende o alto do viaducto á Coruña. A actual rúa da Ribeira, Praza da Constitución. Visualizando o antigo mercado de peixe, o antigo mercado da froita e carne (ubicado no actual sitio da Casa do Concello de Redondela), a igrexa de Santiago de Redondela e o casco antigo da vila. Trátase dun momento previo á canalización do río Alvedosa e futuras obras de aterramento.

No seu revereso obsérvase que está circulada o 4 de agosto do 1912 e vai dirixida a Señor Don Ramón Linares na rúa Pérez Castellanos nº 2, Montevideo (Uruguay) e o texto, transcrito, di:
"Con mi esposa enviamos al estimado amigo y apreciada familia un saludo cariñosom se paso que les deseamos toda clase de felicidades. Estos pueblos son lo más pintorescos y hermosos pero con todo suspiramos por la incomparable Montevideoa donde deseamos volver pronto. Suyo affmo. José Criado. 4-8-1912". E nun lateral aparece especificado o nome do productor: Papelería Julián Buceta. Vigo, Policarpo Sanz 56.

A "Librería Julián Buceta", atopábase nos baixos do edificio nº 56 da rúa Policarpo Sanz. Na actualidade ocupa o mesmo solar a sede do Banco Santander de Vigo.
A libraría (activa entre os anos 1910-1950 do século pasado) era moi surtida en toda clase de obxectos de escritorio ademáis de libros técnicos e comerciais. Tamén vendíanse diversas edicións de caderniños ou álbum de postais de "Vistas de Vigo" (10 ou 12 vistas) producidos para - Edición J. Buceta. Vigo- polas máis importantes casas impresoras de fototipia do momento: Hauser y Menet, Thomas, Castiñeira y Álvarez ou Grafos. Tamén esta libraría distribuiu postais editadas pola súa conta que eran encargadas ós talleres de Fototipia antes nomeados. Editou varias versións e series con novas imaxes da cidade de Vigo e os seus arredores con fotógrafos/as descoñecidos/as. Destacan as series editadas a cor, usando novos procedementos fotomecánicos de impresión en cores, a partir dunha imaxe en branco e negro e coas cores inventadas. Unha mestura de fototipia + tricomía. En case tóda-las series e nas distintas versións aparece a tarxeta "Vigo-Redondela-vista general".