Unidad documental simple LUIS BORINES 025 e LUIS BORINES 025-2 - Tarxeta postal de vista da rúa Ribera e Praza da Constitución de Redondela

LUIS BORINES 025 e LUIS BORINES 025-2. Expediente 3661/2020

Tarxeta postal (14x9 cm) circulada en febreiro do 1908. Fototipia.
No anverso aparece a vista da vila de Redondela tomada dende a actual Casa Cuartel (coincidindo curiosamente co mesmo punto de vista coa lámina de Pier María Baldi). Distínguese a actual rúa Ribera, a Praza da Constitución, cemiterio dos Eidos, Igrexa de Santiago de Redondela.
Distínguese na Praza da Constitución o bazar "El nuevo mundo" de Ramón Feijoo, relacionada con LUIS BORINES 028
Trátase dunha sección da postal LUIS BORINES 020 e é copia de LUIS BORINES 024.

Anos 1906-1910.
A partir de decembro do 1905 a Unión Postal universal sacou unha lei na que se obrigaba a dividir o reverso das postais en dúas partes: a esquerda para a correspondencia (texto) e a parte dereita para o enderezo e selo.
Por outro lado, esta postal forma parte dun grupo no que se conserva unha delas circulada no ano 1910. De ahí a datación extrema.

Edición anónima pois non figura o nome do editor.

Non é en branco e negro, senón que está coloreada ou iluminada: aplicábase manualmente cores a unha postal con posterioridade á súa primeira impresión con pigmentos diluídos con auga, ou aplicando anilinas

Descoñecese o fotógrafo.

No reverso aparece circulada co selo de cadete de Alfonso XIII e o carimbo pon "Ambulante, 18 Feb 08 e Ponta Red" polo que se tratou dunha postal selada no propio tren de xeito ambulante. No texto, en alemán e dirixido a Kiel aparecen estes nomes: Ehrhardt Balke, L. Eiknberg, Ramón Pérez e Manuel Araujo.