Item LUIS BORINES 058 e LUIS BORINES 058-2 - Tarxeta postal de vista da Etea e Chapela

LUIS BORINES 058 e LUIS BORINES 058-2

9x14 cm. Fototipia en azul. Editada pola editorial Grafos de Madrid.
Postal individual co número "24. Alrededores de Vigo. Base Naval y Chapela" circulada.

Aparece unha vista antiga da actual Etea en Teis e, de fondo, a parroquia de Chapela, de Redondela. Probablemente sacada dende o monte da Guía.

Circulada de Vigo a Barcelona no 3 de setembro do 1926 e dirixida a Rosario P. de Streitberger na rúa berlín nº 19, Barcelona. Transcrita di:

"Vigo 3/9/26. Queridísima mamíta: momentos antes de embarcar recibe nuestro inconmensurable amor y muchos besos para que los repartas tambien. Tus fieles hijitos Germán y Susana"

A Editorial Grafos de Madrid comezou a edición de tarxetas postais no inicio dos anos 20 do século pasado, producindo unha gran cantidade de postais de toda España con distintas reproduccións dos mesmos clichés en diferentes edicións, con moitas tintadas distintas e variantes nos reversos e nas descripcións.

Recollemos os comentarios do escritor Juan Antonio Fernández Rivero, na súa publicación de tarxetas postais "Desde Málaga. Recuerdos..." que transcrito di: "Dice que fue una de las casa más activas en la edición de postales a nivel nacional, tanto de ediciones propias como en ediciones de encargo para empresas o instituciones. La clasificación de las postales es muy difícil por la gran confusión de colores, numeraciones, ediciones de encargo, etc.".

Aínda que editou tarxetas de xeito individual, a maior parte foi en álbumes ou caderniños postais que contiñan entre 20 ou 30 tarxetas. Nas súas portadas aparecían os datos do editor, o nome e número da serie e nalgúns casos, o nome do fotógrafo.

Nos álbumes as postais atopábanse unidas en forma de acordeón e era preciso cortalas para separalas.
No caso dos caderniños en forma de libriños, as tarxetas atopánbanse montadas unha detrás de outra co lateral esquerdo dentado para facilitar a separación. Nalgunhas tarxetas aínda se miran os restos das perforacións.
As edicións máis coidadas incorporaban láminas de "papel cebolla" como separador entre unha tarxeta e a seguinte.

Como "Recuerdos de Vigo" editáronse ata 5 series de 10 tarxetas cada unha en distintos tonos (sepia, azul, branco e negro, verde) e nelas aparecen as postais de Redondela, Lazareto de San Simón e varias vistas da enseada.

Fotógrafo/a descoñecido/a.