Agrupación de series que plasman o conxunto de actuacións que se seguen para conceder as diferentes distincións honoríficas (Fillo Predilecto, Adoptivo, Membro Honorario da Corporación…) atendendo aos méritos, calidades e circunstancias singulares que concorren no interesado. Xunto a elo poden atoparse os propios regulamentos para esta concesión e tódolo relacionado coa actividade protocolaria da institución, entre eles os expedientes de irmanamento, os expedientes de actos públicos, libros de sinaturas, os expedientes de denominación de rúas, fotografías de actos públicos, notas de prensa...
En moitas ocasións recollen fotografías, recortes de prensa, publicacións ou información diversa sobre os actos públicos.

Expediente de denominación do Conservatorio de Música de Redondela "Víctor Ureña Revuelta" (Pleno do 21 de novembro de 2002).

Certificación relativa ao gasto de 1.231.965 pesetas en atencións protocolarias e representativas durante o ano 1994.

Expediente de nomeamento como Fillo Adoptivo de Redondela a Manuel Fernández de Sousa Faro (Pleno do 5 de marzo do ano 2002).