FRANCISCO REBOREDO SURÍS 013. Expediente 4462/2018

Fotografía retrato de estudio de Manuela Pazos Cabaleiro. Ano 1940

LUIS BORINES 027. Expediente 3661/2020

Trátase dunha fotografía albúmina (finais do s. XIX-s XX) 23 x 17 cm.

Formaba parte dun álbum particular de fotografías, e atópase pegada nunha cartulina ríxida. O álbum debeu estar creado por unha persoa francófona, seguro que aficcionada e viaxeira xa que na outra cara ten pegada e coas mesmas medidas unha vista de Redondela.

Neste caso trátase dunha vista panorámica da cidade de Cádiz, co mar á dereita, a Catedral, e tomada dende a Torre Tavira.

Ten en tinta un texto a pé de foto que transcrito di: "Cadix (Espagne) Cathedrale une prise de la Tour Tafira".

No reverso desta imaxe, atopamos a LUIS BORINES 028.

Descoñecese o fotógrafo.

LUIS BORINES 028. Expediente 3661/2020

Trátase dunha fotografía albúmina (finais do s. XIX-s XX) 23 x 17 cm.

Formaba parte dun álbum particular de fotografías, e atópase pegada nunha cartulina ríxida. O álbum debeu estar creado por unha persoa francófona, seguro que aficcionada e viaxeira xa que na outra cara ten pegada e coas mesmas medidas unha vista de Cádiz.

Neste caso trátase dunha detalle da vila de Redondela. Concretamente o edificio ubicado frente ó antigo mercado da vila (actualmente está o Concello de Redondela nesa mesma ubicación) que facía esquina coa actual praza José Figueroa e a actual praza da Constitución 1812.

Distínguese como o edificio de tenda de variedades "El Nuevo Mundo" propiedade de Ramón Feijoo (consultar LUIS BORINES 025) con carteis de publicidade "Sombrillas", "Géneros de punto" "Gran tienda de novedades". Tomada dende o antigo mercado. Relacionado coas unidades LUIS BORINES 029 a LUIS BORINES 039, calendario santoral publicitario do local.

Diante del aparece un carro de bois cun home con sombreiro e bara tirando deles, tres nena subindo na parte traseira e un home camiñando.

Ten en tinta china un texto a pé de foto que transcrito di: "Redondela.- Voiture de paysan de la Galice".

No reverso desta imaxe, atopamos a LUIS BORINES 027.

Descoñecese o fotógrafo.

CELSO MILLEIRO 001. Expediente 5359/2017

Fotografía de 7 homes posando nunha habitación. Catro sentados e 3 de pé. Trátase, probablemente, dunha xuntanza de Secretarios Xerais de Concellos.
Persoas recoñecidas: Celso Milleiro Seoane (primeiro pola dereita de pé), Secretario do Concello de Redondela do 1936 ó 1937.
No envés da fotografía aparece escrito a lápiz a data 1917.

Fotografías e negativos ilustrativas de Informes medioambientais: traballos de limpeza de finca abandoada en zona de Rande. Ano 2000

Descripción: Vistas panorámicas de zona de Rande, Castelo de Rande, Cargadoiro e Praia.

Fotografías e negativos ilustrativas de Informes medioambientais e urbanísticos varios: desperfectos en cruceiro do Alto da Encarnación; casa en ruinas na Avenida de Vigo, Chapela; traballos de zanja aberta en Torre de Calle, Cesantes; verquido de entullos e lixo; construcción de muro en Cesantes; verquido de rodas de automóvil en bosque. Ano 2000

Fotografías e negativos ilustrativas de Informes medioambientais e urbanísticos varios: anos 2000-2002

Imaxes de negativos dixitalizados e revelados dixitalmente, do fondo fotográfico de FOT'SCA, Carlos Alonso, do 1972 ó 1992, mercados polo Concello de Redondela.